Posts
Почитувани сограѓани,
Општинскиот изборен штаб на ВМРО-ДПМНЕ од Делчево им честита на сите жители на Делчево и сите граѓани на Република Македонија за покажаното високо ниво на граѓански капацитет и демократија во текот на изминатите Претседателски и Предвремени парламентарни избори.
Од мое лично име и од името Општинскиот комитет на ВМРО-ДПМНЕ ја изразувам својата длабока благодарност за подршката која граѓаните на Општина Делчево ни ја укажаа на овие избори.
Упатувам посебна благодарност за сите претседатели на КИМ-ови и претседатели на Месни комитети на ВМРО-ДПМНЕ во Делчево.
ВМРО-ДПМНЕ и коалицијата “За подобра Македонија” во Делчево, официјално според Државната изборна комисија, освои 4707 гласови за листата за пратеници во македонскиот парламент во третата изборна единица, со убедлива победа на 27 избирачки места од вкупно 36 на територијата на општината.
Ѓорге Иванов чија што кандидатура за претседател ја подржа ВМРО-ДПМНЕ, во Делчево победи со 5517 освоени гласови на исто така 27 избирачки места.
Оваа двојна победа е исклучително важна за иднината на нашата општина и државата вооопшто, која истовремено претставува уште поголема обврска за исполнување на зацртаната визија, преточена во конкретни проекти за реализација во наредниот период.
Сите заедно да се посветиме за овозможување на подобар и поквалитетен живот за сите граѓани на Македонија.
Ова се резултати за нови дела, за секој еден граѓанин на нашата општина и државата.
Ова се резултати кои обврзуваат и ветуваат!
За развиено Делчево и просперитетна Република Македонија!
Ви благодарам.
0 коментари:
Post a Comment