Изборната програма "Проверено 2014-2018 на ВМРО-ДПМНЕ" презентирана пред делчевчани

Членовите на најголемиот политички подмладок во државата, Унијата на млади сили при
ОК ВМРО-ДПМНЕ Делчево денес 08.04.2014 ја презентираше изборната програма на
ВМРО-ДПМНЕ и коалицијата за подобра Македонија, во која се предвидени 2046 проекти и
64 000 НОВИ РАБОТНИ МЕСТА!
Ова е најголемата досега презентирана програма пред граѓаните на нашата држава а и пошироко, во неа се вклучени проекти кои ги опфаќаат сите свери на нашето живеење.

    

     

Во директниот и непосреден контакт со нашите сограѓани им беа предочени дел од стратегиските приоритети за Република Македонија кои се од витално значење за развојот на нашата држава и меѓусебното живеење меѓу кои спаѓаат:

» зголемување на економскиот раст и на вработеноста, пораст на животниот стандард на граѓаните и подобар и поквалитетен живот;

» интеграција на Република Македонија во Европската Унија и во НАТО;

» бескомпромисна борба против корупцијата и криминалот и ефикасно спроведување на правото;

» одржување добри меѓуетнички односи врз принципите на меѓусебна толеранција и почитување и подеднаков третман на сите пред законот;

» инвестирање во образованието, иновациите и информатичката технологија како клучни елементи за креирање општество базирано на знаење.